Hugmyndir fyrir bekkjarfulltrúa

Bekkjarkvöld í skólanum

Athugið að bekkjarkvöldin þurfa alls ekki að kosta nokkuð eða mikið.

Bingó. Foreldrar sameinast um að redda smávægilegum vinningum, þurfa ekki að vera merkilegir.
Spilakvöld. Bæði er hægt að nýta spil sem eru til í skólanum eða börnin koma með sín uppáhalds spil.
Spilakvöld með Spilavinum. Þá þarf að hafa þátttökugjald. Hugsanlega hægt að fá styrk frá foreldrafélaginu. Nánari upplýsingar hér: Spilavinir
Diskótek.
Vasaljósapartý. Sérstaklega skemmtilegt þegar mesta myrkrið er skollið á. Bekkurinn hittist í skólanum með vasaljós og flakkar um.
Feluleikur. Mjög fjörugt þegar hægt er að fela sig í heilum skóla. Mætti sameina með vasaljósapartýinu.
Hæfileikakeppni. Margar hugmyndir að útfærslum. Foreldrar og börn keppa saman. Foreldar keppa og börn dæma.
Hittast með fjarstýrða bíla og keyra um skólann. Búa til akgreinar með málningarlímbandi.
Hittast úti á skólalóð og fara í leiki. Einhver tekur að sér að stjórna leikjunum. Hugmyndir að ýmsum leikjum má finna hér á þessum síðum: Leikjavefurinn, Leikjahandbók ÍTR.

Ratleikur um hverfið. Einhverjir foreldrar taka að sér að skipuleggja ratleik með þrautum um hverfið.
Ratleikur um Heiðmörk, sjá hér: Ferðafélag Íslands.
Rathlaup um Öskjuhlíð, Elliðaárdal, Fossvogsdal eða Gufunes, sjá hér: Rathlaupafélagið Hekla.
Hittast á opnu svæði, fara í leiki og grilla pylsur. T.d. Elliðaárdalur, Guðmundarlundur, Hvaleyrarvatn, Nauthólsvík, Laugardalur.
Fara í fjallgöngu. Í kringum Reykjavík eru mörg fjöll og skemmtilegar gönguleiðir sem eru færar krökkum. Það má skoða t.d. gönguleidir.is og góð ráð á: vertuuti.is
Fjöruferð, sjá til dæmis ullendullen.is